mchi

Најнови вести

Заев меѓу земјоделците: Јасно е, работите мора да се променат

dbi

23.11.2016

Изјава за медиуми,
Зоран Заев, претседател на СДСМ
Кривогаштани, 23.11.2016


Денеска сме во Кривогаштани еден од нашите најземјоделски региони производители на тутун, но и на компири, и на кромид, и на пиперка, и на многу други земјоделски култури.

Имаме прилика да го посетиме пазарот, да поразговараме со луѓето кој продаваат на пазарот, но и тие што купуваат. Навистина сите се жалат од оваа пуста сиромаштија која што ја има зафатено нашата земја, народот нема пари, цените се многу ниски, ниту има промет, така да не се задоволни ниту тие што продаваат, ниту тие што ги купуваат производите.

Едно е јасно работите мора да се променат во Македонија, еден дел од она што ќе посветиме огромно време и достоинствено внимание, е земјоделецот и неговиот живот. Овде во Кривогаштани треба да знаат тутунопроизводителите, дека тутунските класи при откупот ќе ги симнеме на 3 класи, од досегашните 4. Првата класа ќе биде субвенционирана со 80 денари субвенција, втората со 70 денари субвенција, и третата класа ќе остане 60-те денари. Целта е да мотивираме квалитетно производство, но секако и повеќе пари кај граѓаните.

Директно најважна задача на новата Влада ќе биде да обезбеди пласман на земјоделските производи. Да ги повикаме и отвориме можностите на секаде каде досега не се отворени за Република Македонија и за нашите земјоделски производи, тоа е блискиот исток, тоа се руските пазари, тоа се бившите Советски републики, сите овие земји каде што буквално постои сериозен, огромен потенцијал којшто може да абсорбира голем дел од нашето производство. Да створиме натпревар помеѓу откупувачите кој ќе плати повеќе тој да го купи нашето земјоделско производство.

Истовремено животот во селото мораме да го подобриме, генерално имаме огромен број на возрасни луѓе којшто наполниле 62 и 64 години и немаат пензија, никој не се прашува од што живеат тие луѓе. Ќе ја воведеме и социјалната пензија за да можат овие луѓе да го истераат животот до крајот колку Господ дал со достоинстевни примања, за да можат достоинствено да живеат.

Огромен број од мерките којшто зафаќаат економски дел од програмата се однесуваат конкретно на земјоделието, но сепак она што претставува најважно покрај земјоделските субвенции, покрај пласманот, е и намалувањето на трошоците во земјоделието. Ќе ја воведеме зелената нафта, ќе ги намалиме огромниот дел на даноците за репро материјалите во делот на земјоделството, ќе поттикнеме окрупнување на земјоделство земјиште се со конечна цел да имаме помалку трошоци за земјоделството производство, а повеќе високи цени со што ќе останат повеќе пари кај самите земјоделци, јас верувам дека ваквите промени од човек којшто работел земјоделие, човек којшто ја знае во суштина маката на земјоделецот дека се возможни во Република Македонија и конечно ќе покажеме дека завршува времето да нашиот земјоделец, биде најсиромашниот земјоделец на светот.

Ве уверувам дека има перспективи 11-ти декември доаѓа, сите опции се пред нас и верувам дека народот ќе даде огромна поддршка за сите овие промени којшто ги очекуваат ширум целата наша земја.

 

 

 

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени