Потпретседатели

 

Мила Царовска

Мила Царовска е потпретседател на Социјалдемократскиот сојуз на Македонија.

Таа е избрана за функцијата потпретседател на СДСМ на Централниот одбор на СДСМ во 2019 година.

Царовска е избрана за министерка за труд и социјална политика во Владата на Република Северна Македонија од 2017 година.

Од ноември 2015 до мај 2016 беше специјален советник во кабинетот на министерката за труд и социјална политика Фросина Ременски.

Во 2014 беше избрана за претседателка на Комисијата за труд и социјална политика на СДСМ.

Во периодот 2005–2015 година, Царовска била програмски координатор на Асоцијацијата за здравствена едукација и истражување (ХЕРА).

Царовска по дипломирањето работела во повеќе граѓански здруженија и невладини организации од сферата на трудот и социјалната заштита.

Во својата професионална карира се стекнала со повеќегодишно искуство од областа на социјалната работа, меѓу кои и како фасилитатор во драмски работилници со деца сместени во институции, фасилитирање на едукативни работилници, СОС оператор и супервизор за консултации за корисници на дрога и нивните семејства, како и соработник на институциите за лечење на корисници на дрога, социјален работник на терен, советник за пред/пост тест за ХИВ/СИДА и истражувач на терен.

Како докажан професионалец во својата област на делување, Царовска својата професионална кариера и доозбразование ги гради низ годините на бројни работни позиции и искуства кои вклучуваат директна комуникација со општествено ранливи и социјално загрозени категории на граѓани. Нејзиното менаџерско учество во десеттици проекти од сферите на социјалната политика, опфаќаат различни категории граѓани како Роми, млади, зависници и покрива теми како што се домашното насилство, сексуални права, образование на ранливите групи итн.

Поради своето богато работно искуство, Царовска е ангажирана во дванаесетина домашни и меѓународни организации како експерт од својата област.

Царовска поради својата посветеност на социјалната работа се здобива и со повеќе од 24 сертификати од домашни и меѓународни институции, како доказ за нејзината посветеност и преданост на проблематиката од социјалната сфера.

Дипломирала на Филозофскиот Факултет при Универзитетот „Св. Кирил и Методиј“ во Скопје, на Институтот за социјална работа и социјална политика.

Родена е на 6 Мај 1984 година во Скопје . Мајка е на едно дете.

_________________________________________________________________________________________________

 

Мухамед Зеќири

Мухамед Зеќири е пратеник во Собранието на Република Северна Македонија и потпретседател на Социјалдемократскиот сојуз на Македонија, прв Албанец во историјата на партијата кој ја презема оваа функција.

Од септември 2016-та година Зеќири е член на Извршниот и на Централниот одбор на СДСМ.

Во септември 2016-та година Зеќири, по 18 години, го напушта новинарството и се приклучува кон Социјалдемократскиот сојуз на Македонија.

Последната година во професијата (ноември 2015-септември 2016) ја минува во ТВ Шења како одговорен уредник на вестите на македонски јазик и водител на политичката дебатна емисија "Нов пат".

Претходно Зеќири речиси една деценија, од самото основање на Алсат-М, е главен и одговорен уредник на информативната програма на првата двојазична телевизија на Балканот и според извештаите на релевантни меѓународни организации, еден од ретките објективни медиуми во земјава. За целиот период Зеќири е водител на политичката дебатна емисија "Патот кон", која прерасна во препознатлив бренд на телевизијата.

По конфликтот во 2001-ва година, па сè до 2006-та, Зеќири работи како дописник од Скопје за македонскиот сервис на Радио Слободна Европа. За време на вкупно едногодишниот престој во седиштето на РСЕ во Прага, Зеќири работи како уредник и спикер на вестите на македонски јазик.

Во истиот период Зеќири е ангажиран и за емисијата "Еврозум", во тоа време емитувана на ТВ Сител.

За време на конфликтот во земјава, во периодот 2000/2001-ва Зеќири работи како новинар во Канал 5 телевизија, воедно единствен новинар Албанец во македонски медиум во тоа време.

Од 1997-ма до 2000-тата Зеќири првите новинарски искуства ги стекнува како репортер и презентер на вестите на албански јазик во скопската телевизија Ера.

Покрај тоа, во 1999-тата работи на специјални репортажи за бегалската криза емитувани на ТВ Ера и на повеќе регионални телевизии.

Зеќири е дипломиран новинар. Студиите по новинарство и комуникации ги завршува на Универзитетот на Југоисточна Европа во Тетово.

Има завршено средно теолошко училиште во медресата Иса Бег во скопско Кондово, каде се стекнува со звањата хатип, имам, ваиз и муалим.

Основното училиште го има завршено во Скопје во "Лирија" (1986-1993).

Зборува албански, македонски, англиски, српски/хрватски.

Роден е во Скопје на 10.03.1979-та, оженет и татко на две ќерки. Живее во родниот град.

_________________________________________________________________________________________________

 

Коста Петров

Коста Петров е потпретседател на Социјалдемократскиот сојуз на Македонија .

Тој е избран за вршењето на оваа функција во 2019 година на Централниот одбор на СДСМ.

Во 2017 година беше портпарол на министерството за здравство, предводено од тогашниот министер Арбен Таравари.

Коста Петров е интернационално докажан претприемач, експерт за односи со јавност на брзорастечки пазари, најпродаван бизнис-автор и говорник.

Во 2010 година во Македонија ја основа P World, светската, водечка агенција за настани, која работи во 35 земји во Европа, Блискиот Исток, Централна Азија, Африка и Северна Америка.

Исто така, P World е првата агенција за настани, која има организирано интернационален бизнис-собир во Исламската Република Иран.

Две години по ред , Коста беше вклучен во листата на највлијателни професионалнци за настани во Југоисточна Европа на Kongres Magazine.

Тој е и дописник за американското издание на Huffington Post и редовен говорник за односи со јавност, лидерство и претприемачи на различни настани во светот.

Коста е најпродаван автор во Македонија и автор на бестселерите„Стравот “, „Се гледаме на врвот“ и книгата „Нашето последно кафе“. Тој е и уредникот и креативниот гениј зад „Тајните на светските ПР-експерти“ – првата книга за односи со јавност, напишана од практичари за практичари.

Во текот на основното школување со семејството се сели во Скопје , каде што ги учи првите две години од средното образование во Раде Јовчевски Корчагин , а го продолжува во САД.

Факултетско образовамние стекнува на Американскиот колеџ во Прага во насоката на политички науки.

Роден е на 28 .12.1984 година во Гостивар. Оженет е и татко е на едно дете.

_________________________________________________________________________________________________

 

Дамјан Манчевски

Дамјан Манчевски е потпретседател на Социјалдемократскиот сојуз на Македонија.

Тој е повторно избран за потпретседател на партијата во 2019 година, откако претходно на Централниот одбор на СДСМ беше избран во 2017 година и во 2013 година.

На 31 мај 2017 година Дамјан Манчевски е избран за министер за информатичко општество и администрација во Владата на Република Северна Македонија.

Беше избран за пратеник во Собранието на Република Северна Македонија на Парламентарните избори во декември 2016 година.

Во 2015 година е избран за Шеф на Изборниот Штаб на СДСМ за изборите во 2016 година.

За член на советот на Град Скопје е избран на локалните избори во 2013 година.

Манчевски бил член на Централниот одбор на СДСМ во периодот од 2009 до 2013 година; член на Извршниот одбор на ЦО на СДСМ во периодот од 2006 до 2009 година и шеф на Кабинетот на Претседателот на Социјалдемократски сојуз на Македонија во периодот од 2007 до 2009 година;

Член на Извршниот одбор на Општинската организација на СДСМ - Центар бил во периодот од 2005 до 2006 година.

Бил раководител на Сектор за млади во Агенција за млади и спорт на Република Северна Македонија во периодот од 2002 до 2003 година. Воедно бил и претставник на Владата на Република Северна Македонија во Програмскиот комитет на Европската Младинска Фондација во Советот на Европа во истиот период.

Од 2000 до 2002 година бил претседател на Одборот за материјално финансиска контрола на ЈП Дрисла – Скопје, а од 2002 до 2004 година бил член на Одборот за материјално финансиска контрола на ЈП Водовод – Скопје.

Потпретседател на Социјалдемократската младина на Македонија бил во периодот од 2001 до 2003 година, а портпарол на СДММ бил во периодот од 1999 до 2003 година. Член на Извршниот одбор на СДММ бил во периодот од 1999 до 2001 година. Од 1998 до 1999 година бил член на Извршниот одбор на Локалниот клуб на СДММ - Центар.

Од 2001 до 2003 година Манчевски бил Балкански координатор на Интернационалната унија на социјалистички и социјалдемократски подмладоци.

Манчевски бил и член на партиската Комисија за меѓународна соработка во периодот од 2000 до 2009 година.

Дипломира 2005 година на Електротехничкиот факултет при Универзитетот „Св. Кирил и Методиј“ во Скопје, насока Електротехника и телекомуникации. Во 2009 се стекнува со Сертификат Chevening Felloowship на постдипломските студии на Универзитет Бирмингем – Обединето Кралство.

Во 2003 година бил учесник во програмата US Department of State International Visitors Program „Млади европски лидери и политиките на САД за актуелните политички, економски и социјални прашања“. Во периодот од 2003 до 2004 година учествувал во „Школа за идни политичари“ во организација на Фондациите Фридрих Еберт и Алфред Мозер.

Во 2001 година посетува Тренинг за медиумски настап во организација на Националниот демократски институт. Во 2002 година Тренинг за политичка кампања во организација на Националниот демократски институт. Во 2007 година Обука за градење на добро организиран ПР тим во организација на Фондацијата Алфред Мозер. Во 2001 година Тренинг за медиумски настап во организација на Renner Institute Vienna. Во 2006 година Обука за ПР и организација на ефикасна партиска инфраструктура во Меѓународниот републикански институт.

Бил извршен директор на ЕММЕТРОН ДООЕЛ Скопје во периодот од 2006 до 2007 и од 2009 до 2013 година.

Роден е на 27.01.1978 година во Скопје. Оженет и татко на две деца. Зборува англиски, српско-хрватски и руски јазик.

_________________________________________________________________________________________________

 

Оливер Спасовски

Оливер Спасовски е потпретседател на Социјалдемократскиот Сојуз на Македонија.

Спасовски повторно е избран за потпретседател на СДСМ во 2019 година , откако претходно ја вршеше оваа функција и беше избран за потпретседател на партијата во 2017 година.

На 31 мај 2017 година Оливер Спасовски по трет пат е избран за Министер за внатрешни работи во Владата на Република Северна Македонија. На првата седница на Владата на 5 јуни 2017 е избран за заменик на претседателот на Владата на Република Северна Македонија.

Во 2015 година согласно договорот 2 јуни-15 јули е именуван за Министер за внатрешни работи во Владата која ќе ги организира предвремените парламентарни избори во 2016 година.

Беше избран за пратеник во Собранието на Република Северна Македонија од 2006-2008 , 2011-2014 и од 2016 до 2017 година)

Во 2013 до 2017 година ја врши функцијата Генерален секретар на СДСМ.

Од 2005 до 2006 година бил организационен секретар на СДСМ. Во периодот од 2003 до 2004 година бил член на Претседателството на Централниот одбор на СДСМ.

Секретар на општинската организација на СДСМ Куманово бил во периодот од 2000 до 2003 година. Од 1999 до 2003 година бил член на Претседателството на Општинската организација на СДСМ Куманово.

Од 2008 до 2011 година работел како секретар на Општина Куманово. Советник на градоначалникот на Куманово бил во периодот од 2001 до 2005 година. Во 2000 година работел како адвокатски приправник.

Спасовски е магистрант по управно право на Правниот факултет „Јустинијан I” при Универзитетот „Св. Кирил и Методиј“ во Скопје. Дипломирал на истиот факултет, а основно и средно училиште завршил во Куманово.

Роден е на 21.10.1976 во Куманово. Оженет e и има две деца. Зборува англиски и француски јазик.

Огласи/конкурси

Постојат многу варијации на пасуси од Lorem Ipsum, меѓутоа повеќето претрпеле одредени промени

меѓународни извештаи

Постојат многу варијации на пасуси од Lorem Ipsum, меѓутоа повеќето претрпеле одредени промени