- А бре, овој Грујо уште блада, вели дека имало светска криза и дека таа е крива, а не Тој, а кој е крив за нашата сиромаштија и беда?
 

- На неговата Сител 10 минути зборуваше за светска криза и тоа округло па на ќоше, ама никако да признае дека е Тој виновен за нашава државна криза. 
 

- Го трошиш Буџетот, земаш странски кредити со високи камати, правиш споменици и цркви и правиш криза со што го осиромашуваш граѓанинот до даска. 
 

- Нема криза во Македонија, ама има градска плажа и Грујо не дојде на митингот, ама се слика пред плажата без купаќи. 
 

- Скаран е со бројките околу митингот и не знае колку народ дошол, но тој народ што дојде на митингот ќе му го докара умот. 
 

- Неговите телохранители натепаа новинар на ТВ Ера и створија новинарска криза.
 

- Е, сега народе после 27 Јуни нема да се плашите и треба да ги преземете работите во свои раце и да му кажете збогум на властодршците. 
 

- Дури сега Грујо каде ќе бегаш, и 100 на саат да трчаш пак ќе те стигне казната на народот!!!

 

Бранко Шемов

Повеќе од 50.000 граѓани вчера покажаа каква е вистинската Македонија! И јас бев дел од таа Македонија. Пропуштив добар фудбал  и накиснав, ама во ниту еден момент не се покајав. Вчера ја видов онаа вистинската, осиромашената, опустошената и понижената Македонија на едно место. Онаа Македонија која, како никогаш до сега, храбро и решително одлучи да го крене својот глас против Никола Груевски и неговата издишана популистичка политика.
 
Македонскиот народ вчера го победи стравот. Овој народ вчера одлучи да стави крај на заканите, заплашувањата, поделбите и сиромаштијата. Овој народ покажа дека не може и не сака да продолжи да ги трпи лагите, понижувањата, и потценувањето на здравиот разум.
 
Груевски и неговата пропагандна машинерија платена со наши пари, цели 4 години, со кампањи, реклами и спотови се обидуваа да ни наметнат виртуелна стварност и не успееаа во тоа. Вчера Македонија ја победи лагата. Повеќе од 50 илјади најхрабри и најодлучни решија да се соочат со реалноста. Повеќе од 50 илјади покажаа дека повеќе ништо не може да ги уплаши. Повеќе од 50 илјади граѓани покажаа дека се подготвени да ја отфрлат погубната политика на кавги и поделби.
 
Соочен со порази и неуспеси на сите полиња, Груевски одлучи да ја продава веќе видената и многу пати повторувана приказна за „Патриоти и предавници“. Оваа приказна никогаш и никому не донела ништо добро. Оваа приказна не може да има среќен крај. Тоа беше многу пати до сега потврдено кај нашите соседни држави. Тој концепт неминовно води кон  меѓународна изолација и длабоки  внатрешни конфронтации. Тоа е стратегија која Македонија ја става во улога на жртва, а македонскиот народ води кон самосожалување и пораз. Тоа е Македонија заглавена во историјата, без визија за утрешнината.

Македонија вчера покажа дека наместо само кон минатото, знае да се сврти и кон иднината затоа што тоа е обврска и одговорност на секој граѓанин. Во Македонија не живее каков-таков народ. Македонија не е држава на восочни фигури. Македонија е држава на реални, живи луѓе со реални проблеми и реални потреби.
 
Реалната Македонија со разорена економија, со пропаднати фирми, со осамени и изгладнети граѓани излезе на улица, пред Влада и јасно и гласно му порача на Груевски дека брзо ќе дојде денот кога тој и неговата криминална дружина ќе одговараат пред народот, ама и пред законот.
 
Граѓаните на Македонија вчера покажаа дека паметат и една друга Македонија. Македонија која забрзано одеше на патот кон Европа и НАТО, Македонија која инвестираше во патишта, хидроенергетски потенцијал, болници и училишта, наместо во восочни фигури и споменици. Македонија со визија за повеќе наредни генерации, наместо заглавена во античкото минато.
 
Македонија вчера ја започна големата битка за предвремени парламентарни избори по Самитот на НАТО во ноември. Без разлика на исходот од Самитот, без разлика дали преговорите со Грција ќе завршат успешно или не, граѓаните демократски и легитимно ќе одлучат за каква Македонија и за каква иднина се.

Напред Македонијо, ние сме со тебе!

Драги пријатели,
 
Дојде и тој ден, се откри вистинското лице на Никола Груевски. ВМРО ДПМНЕ покажа колку знае, колку умее и колку може да направи. Им дојде крајот на лажните ветувања, заврши времето за продавање лажни надежи!
 
Со еден збор, ПРЕРОДБАТА ПРОПАДНА!
 
Дојде време секој од нас да го крене својот глас со една и единствена цел – да ни ја вратат назад нашата Македонија, онаква каква што ја сите ја паметиме. Да ни ја вратат назад победничка Македонија затоа што ние тоа го заслужуваме.
 
Останаа само уште неколку работи кои мораме да им ги покажеме. Да им покажеме дека ние НЕ сакаме порази, ние НЕ сакаме понижувања. Да им покажеме дека ние НЕ сме нивниот каков – таков народ, ние НЕ сме восочни фигури. Да им покажеме дека НЕ им се плашиме повеќе!
 
Работите не се менуваат со молчење, со наведната глава и стоење на страна. Затоа на 27-ми јуни, Недела, во 20 часот се гледаме пред Влада. Ќе им покажеме дека НИЕ СМЕ ЗА ПОБЕДНИЧКА МАКЕДОНИЈА.
 
И од тебе зависи! Придружи се и биди победник!
 
ЗА ПОБЕДНИЧКА МАКЕДОНИЈА!

Целта ги оправдува средствата, позната филозофска мисла на Макијавели, но за жал кој како ја разбрал...

Во 2002 година кога СДСМ ја презеде власта од ВМРО-ДПМНЕ, Република Македонија беше на работ на распаѓање, економијата речиси да не постоеше, меѓуетничките односи беа на незавидно ниво, исто така надворешната политика беше мисловна именка, скоро да немавме никакви пријатели во странство. СДСМ по цена на сопствениот рејтинг, а со цел да го врати угледот на Р Македонија, презеде низа мерки и активности за заживување на економијата, подобрување на меѓуетничките односи и создавање на пријатели надвор од земјата подобрувајќи ја надворешната политика, тогаш беше поднесена апликација за членство во ЕУ и  САД ја признаа Македонија под нејзиното уставно име.

Во 2006 година кога повторно на власт дојде  ВМРО-ДПМНЕ на чело со Никола Груевски, неговата цел беше по секоја цена да остане на власт што подолго и  подолго, користејќи секакви популистички методи и средства. Човекот успеа, неговата цел ја оствари, а Р Македонија за жал повторно потона, економијата  замре, нема домашни и странски  инвестиции и постојано се зголемува  бројот на јавната администрација со негови партиски војници а за да добијат плата тој мора секојдневно државата да ја задолжува дома и  во странство со многу високи камати,  го изгуби угледот во странство, странските претставници ви РМ ги гледа како непријатели, не им верува, не ги слуша нивните укажувања, не прифаќа никаква нивна помош за доброто на Македонија но ако целта е да остане на власт не се бираат средствата нели...

Неговиот  популизам нема граници, придоби  неколку новинари и електронски  медиуми и истите скапо ги плаќа  со пари од народот за саморекламирање. Бесмислено гради непотребни згради и споменици среде Скопје кои  чинат неколку стотици милиони  евра, на кого му се потребни се разбира  целта ги оправдува средствата Груевски и понатаму да остане на власт.

Во  сите институции на системот успеа  и инсталира свои партиски војници (здравство, судство, војска, полиција и т.н.), со помош на мнозинството во Парламентот  донесе многу контроверзни закони кои  никогаш нема да се спроведат како што треба односно истите се само во негова функција, ( Законот за јавна чистота, Законот за пушење, Законот за полиција, Законот за следење на комуникациите и многу други).

Полицијата  почна да ја користи како своја, наместо  да се грижи за безбедноста и имотот на граѓаните тој ја користи за сопствени политички потреби и за остварување на сопствените цели.

Денес Република Македонија стана земја на социјални случаи, економски уништена и задолжена, изолирана од странство а Груевски сеуште е на власт, целта ги оправдува средствата.

На Република Македонија повеќе не и е потребен таков водач, на неа и треба човек кој знае и умее да ја извлече од оваа тешка економска и политичка криза и да внесе во Европа во која секој граѓанин достоинствено ќе може да живее.

Затоа на 27. 06. 2010  масовно да се собереме и да застанеме пред Владата на Република Македонија и јасно и гласно да му кажеме големо НЕ, Не НА ГРУЈОВЕЛИЗМОТ ВО МАКЕДОНИЈА.

Груевски  безусловно да замине од власт,  а за таа цел веќе не треба  да се бираат средства...

Јана Костадиноска

Во 21 век, едноставно мора да се делува како нормален, рационален и трезвен политичар кој одговара  не само за себе и своите најблиски, туку одговора и’ за една држава, и во таква ситуација ќе мора да се биде свесен што се работи. И како во некоја бизарна бајка,  да видиме што ВМРО-ДПМНЕ од  овие антрополошки карактеристики поседува:

- Ако секој ден устите ви се полни со интегрирањето на државата во Европска Унија;  ако секој ден устите ви се полни со Европа како ваш врвен државен приоритет  а притоа, влегувате со Европа  во конфронтација, тогаш прашањето е логично: „Која е вашата порака што ја испраќате до нив?“; „Што со тоа сакате да им го кажете?“; „Koja e елементарната ориентација на оваа земја?“; „Каде оди оваа земја?“.

Е сега, како некој врв на „политички“ кретенизам, каде власта нема појма што да прави ниту со себеси, а камо ли со државата – во таквата ситуација таа создава некакви „актови“ на одмазда кон нејзините неистомисленици, односно – политичките противници на Груевистичкиот режим!

ВМРО-ДПМНЕ е власт која  го обликува ова друштво со целокупното нејзино владеење – и создава конфликт со сите оние луѓе кои и се’ нeистомисленици, па поради тоа,  нема потреба да ве потсетувам и на јавниот простор кој е преполнет (контаминиран) со „патриотски“ и „предавнички“ глупости? Што можат да и донесат добро на државава „патриотите“ и „предавниците“?  Дали носат нешто добро?  Дали има некаде ваков случај со оцрнување на граѓани  на „патриоти“ и „предавници“?

Како што гледате ВМРО-ДПМНЕ  создава  огромни поделби во општеството, меѓучовечките односи се на катастрофално ниво, а не пак да се зборува за некаков претприемачки дух, забрзано производство или обрт на капитал (увоз-извоз), и во таква ситуација,  сите овие лудила ВМРО-ДПМНЕ на граѓаните им ги продава како врвен европски проект. Тогаш се изведува ново логично  прашање кое е и малку парадоксално и иронично:

„Која е тогаш антиевропската политика на ВМРО-ДПМНЕ?“ – да не мислат некакви тенкови да им испратат во Брисел?

Значи ова е навистина застрашувачко! Ова е бедно и јадно, и така  сите луѓе, за на некаков начин да ги држиш  во заложништво и некаков STATUS QUO, тоа значи дека овие луѓе на чело со нивниот „крал“ имаат изгубено секаква подлога со реалноста а со тоа и  свесно, или несвесно, кој ќе ги знае -  Македонија и нејзините граѓани  си „лебдат во воздух.“

Поради тоа, пораката која сакам да ја испратам до сите граѓани кои се уште се неопределени или се уште се  двоумат – вклучете се во европската политика на СДСМ и не дозволувајте, кусогледи груевистички  „деца“ да го кочат европскиот и цивилизациски потенција на оваа држава.

Ако не сега, кога?

Ненад Јовановиќ,

Член на надзорен одбор и портпарол на ОО на СДСМ, Кавадарци

Тепаат на избори, во овие 12 години, 8 години владеат и пак плачат. Се е во нив, и каменот и оравот, па дури и лопатите, панделките, ножиците. Не осиромашија, ни го потрошија Буџетот, сега на ред е да ни го земат кислородот од кој дишиме.
 
За влез во НАТО и ЕУ ич око не им трепнува, така издишени ќе не сотават да мечтаеме како гладна кокошка за просо. Нивните политики се: работи тука во Татковината, плаќај даноци, придонеси, казни, такси, јади еднаш дневно, не размислувај гласно, читај и сонувај портокалово, на ТВ гледај ги Латас, Мирка и Миленко, а за влез во НАТО и ЕУ мало морген.

Ја изолираа државата, се караат со меѓународните претставници, амбасадори, акредитирани во Република Македонија кои ни укажуваат и даваат совети како да се приближиме кон НАТО и ЕУ, но Владата како на инает никако да слушне, како да се нема слух за иднината на државата.

Но, државата е се подалеку од НАТО и ЕУ, економијата опаѓа, демонтиран е демократскиот систем на земјата, расте социјалата, сиромаштијата, меѓуетничките тензии, но Владата на Грујо е тотално грогирана без идеа и слух за доброто на граѓаните.

Го лажат народот, заплашуваат на разни начини, го казнуваат, му бркаат в џеб, тотално ќе го осиромашат па потоа ќе бегаат во соседните земји за да уживаат од плодовите од економската преродба во 100 чекори.

Но и тоа ќе заврши, ами после тоа каде ќе бидете, што мислите дека правдата нема да Ве стигне или Вие сте од Бога дадени да го имате целиот свет?

За ваквата политичка изолација и економска пустош народот е секој ден се посвесен, се буди и осеќа дека се е на негов грб и идните генерации и драстично ќе Ве казни.

Затоа Грујо и твоите преродбеници, времето Ви истекува...

Толку се опивте од власта што сега сите Ви се криви, дури и сопствената сенка. Затоа сум сигурен во едно, дека после поразот ќе избегате подалеку од државата.

 

Бранко Шемов, член на Централниот одбор на СДСМ

Не можев да издржам, а да не напишам нешто по објавувањето на записникот од онаа проклета 161-ва седница на Владата. Ако е и од Груевски, многу е. Можете ли да замислите, дечкото и неговата дружина на седница на Влада заклучиле дека најдоцна до 1-ви септември сите привремени вработувања треба да се трансформираат во трајни вработувања на неопределено време.

Тоа во превод значи дека, и покрај превработеноста на јавната администрација, во сред економска криза, околу 30 илјади партиски војничиња на ВМРО ДПМНЕ ќе добијат награда -  решение за трајно вработување на трошок на сите граѓани на Република Македонија. Овие партиски потрчковци, за лепењето на плакати за нивната партија,  од 1-ви октомври ќе започнат да примаат плата на трошок на државата и тоа ќе им биде загарантирано со договор за работа на неопределено време. Какво образование? Каква сила? Каква моќ? За Груевски доволни се само портокаловата партиска книшка и по некој роднина или пријател во раководството на неговата портокалова партија.

Дрскоста да биде поголема, Груевски за оваа „операција“ (веројатно во пресрет на изборите на кои планира да изгуби) ги задолжил Ставрески кој парите за овие вработувања треба да ги обезбеди со ребалансот на Буџет, и вицепремиерот за европски прашања Васко Наумовски, кој е  најповикан да се грижи за департизација  на државната администрација. Значи едниот за оваа расипништво треба да скрати средства од фирмите, капиталните  инвестиции и директно од џебот на граѓаните, а другиот треба да го прави токму спротивното од она за кое сите ние го плаќаме.

Замислете, со ова на грбот на осиромашените  граѓани и банкротираните фирми  Груевски ќе натовари 30-тина илјади партиски војници на ВМРО ДПМНЕ. Или, како што вели онаа Владината кампања, „Образованието  е сила и моќ“, ама само ако сте  членови на ВМРО ДПМНЕ и роднини на нивните функционери.

На овој начин Груевски им залепи силна шлаканица на армијата невработени граѓани, на прегладнетите стечајци, на обесправените професионални војници, на фирмите кои секојдневно се борат да ја пребродат економската криза. На сите овие граѓани на нашата заедничка татковина Македонија Груевски им порача: не чекајте вработување, решавање на Вашиот статус, не чекајте пари од државата, тие и понатаму ќе се трошат на споменици, реклами, купување на возила и други луксузи.

За ова ли учевме? За ова ли се боревме сите овие години сакајќи да изградиме стабилна независна држава во која ќе се цени и образованието и трудот? Најпосле, за татковината ли се работи г-дине Груевски? Или се работи за нешто друго?

Мила Ристовска