Е сега, одма да видиме зошто “бичим”.

Е па вака:    

И Македонец и Вевчанец се пишуваат со голема буква.

И Македонија и Вевчани имаат портокалови шефови.

И Македонија и Вевчани би имале поинакви шефови.

И Македонија и Вевчани ќе имаат поинакви шефови.

Конечно,и главниот град на Македонија доби плажа на Вардар, и Вевчани ќе добие плажа на ново, гланц ново езеро.

Каменот до кој ќе “никне” езеро се вика Јанков.

Бидејќи глупаво е сред езеро да има шума, таа логично е да се исече.

И се исече, од неа излегоа многу дрва. Тие се продаваат, ама никој не знае кому, поточно по колку. Луѓето велат по николку.

Поефтино здравје.

Се наплаќаат ли стари долгови?

Се зема ли некаква провизија?

Ако не се зема, колкава е таа?

Ако не се зема, кој ја зема?

Зарем е тоа важно?

Важно е дека главниот град на Македонија доби Коцекабана, а Вевчани Фацекабана.                                 

Слушнав денес,некој лизнал таму кај што плукнал.

Ослободени се од притвор двајцата браќа и нивниот татко Илиевски.

На некој Никола, нешто чудно му се случува. Тој затвора, тој отвора. Небаре флаши се луѓево. А зошто беше затворен Душко Илиевски.

Затоа што беше и говореше на величенствениот митинг на СДСМ.

Ете заради тоа!

Се друго е -Мижи Асан да ти баам.

Еден мој пријател вели:-Не ми е криво што ме лажиш,туку ми е криво  што мислиш дека ти верувам.

Токму така мислам дека мисли и погореспомнатиот Никола. Ама тој си е тој,народот си е народ. И тој народ знае дека нашата демократија се наоѓа во притвор. Денес демократијата се вика Душко, а утре ќе го носи сечие име.

Драги,властодршци,ова е лесно како два и два,за народот.

Тој едноставно не ви верува,ниту за Душко,ниту за брат му,ниту за татко му,ниту за ништо.

Скромната куќа на Илиевци ја видовме на ТВ.Таа беше со светлосни години далеку од куќа на на нарко-бос.

А,се сеќавате ли како плачеа сопругата и мајката на Душко.Знаете зошто?Силно ги болеше неправдата.

Е токму нејзе,неправдата ние ќе ја ставиме во притвор.

Н А С К О Р О !

Не треба да сте некој врвен аналитичар или интелектуалец за да утврдите во која фаза се наоѓа владеењето на ВМРО-ДПМНЕ., поконкретно владеењето на Нилока Груевски.Доколку направите една мала анализа и една кратка ретроспектива на некои клучни настани  лесно ќе дојдете до констатацијата дека ВМРО-ДПМНЕ се распаѓа и во политичка, идеолошка и во внатрепартиска смисла и дека се на залезот од своите “светли моменти”.Политиката сведена на лоши, ad hoc решенија, на владеење со популизам и заплашување рикна.

Што се однесува, пак, до Груевски, тој е сега како рането куче, како што милува да каже нашиот Потпретседател Гордан Георгиев.Каса на сите страни.Видовте што се случи со млекарот Душко Илиевски и неговото семејство.Не случајно го одбраа за мета токму Дуле млекарот од Битола.Пораката на Груевски е јасна и гласна: еве што ќе му се случи на секој кој ќе се обиде јавно да плука против мене.И таа ретро-комунистичка, тоталитарна и гнасна концепција донекаде му вродува со плод.Но, сепак краткорочно.За кратко време се соочи со масовни протести и огромна подршка од граѓаните за Душко Илиевски изразена преку собирање на потписи, осуда од невладини организации, медиуми итн.  

Во последно време се осеќа некое размрдување на колективниот,јавен дух, што секако е за поздравување.Граѓаните не се плашат повеќе.Јавно и гласно го креваат својот глас. Конечно излегоа од онаа состојба на летаргичност и апатија.Се зголемува нивната влкученост во општествено-политичкиот живот.
Тоа е последица на две работи: прво, граѓаните сватија дека има кој да застане зад нив, има кој да ги штити ,а тоа го покажаа на митингот на СДСМ пред владата и второ, граѓаните не  веруваат повеќе на лагите, демагогиите и лажните ветувања на оваа власт (во заминување) , а најмалку, пак, што впрочем и се покажа, на политичките монтировки врз недолжни граѓани. 

Владеењето на ВМРО-ДПМНЕ во последно време го тресе една низа од оставки на високи функционери, која мислам дека ќе придизвика домино ефект во сите ешалони од власта, онака, по вертикала одозгора-нанадолу.Е, тоа навистина е тешко да се контролира, бидејќи јасно се гледа дека и самиот Груевски е изненаден од таквите постапки на “неговите”.Имено, тие прво даваат оставка,како што бшее случајот со директорот на Управата за перење пари Ване Цветанов, а утре тој ги разрешува, што е една смешна и детска работа од негова страна.Демек разрешувањето на тој и тој функционер било во план на владата.Меѓутоа,најголема грешка ќе направи Груевски (заедно со фамилијата) ако овој нанос од оставки на високи функционери, кои покрај оставката и го “шлакаат” на прес-конференции за неговиот криминал и корупција, се обиде да го спречи со некои милошевистички методи, како што беше примерот со неговиот ментор Иван Стамболиќ кој го најдоа во јама полна со вар на Дедиње.Тогаш Груевски ќе навлезе во една друга фаза од која тешко ќе може жив и здрав да се извлече.Имено, ако го стори тоа користејќи ги тоталитаристичките методи на Милошевиќ, сигурен сум дека ќе заврши како еден друг диктатор-како Чаушеску.
 
И, ако извршиме една сублимација на горенаведеното заедно со катастрофалната економска ситуација, лошите состојби во здраството и образованието, гломазната и неефикасна администрација, атрофираните институции, незнаењето и несакањето на владата да ја внесе Македонија во ЕУ и НАТО, нерешавањето на спорот со името, носеењето на неевропски закони (Законот за антидискриминација, Законот за води, Законот за електронски комуникации итн.), немањето политички дијалог, притисокот врз медиумите од страна на владата итн. ќе заклучиме дека декаденцијата на политиката на ВМРО-ДПМНЕ води истовремено и кон пропаѓање на Р.Македонија.
Затоа мислам дека ова е ПОСЛЕДНИОТ КВАРТАЛ од владеењето на ВМРО-ДПМНЕ  и Никола Груевски.На следните парламентарни избори, вонредни или редовни, сеедно, катастрофално ќе бидат поразени и ќе доживеат дебакл, а нивниот актуелен “МЕЦЕНА” ќе биде поомразен дури и од неговиот претходник-Љубчо Ѓорѓиевски.Македонија со ваква недемократска власт и нарушена репутација надвор ќе биде изолирана.Затоа на Македонија дефинитивно и е потребна нова политичка платформа која нормално ќе се реализира преку нова политичка гарнитура.И тука нема дилема.Таа нова политичка гарнитура ќе биде предводена од СДСМ.
 
   
 
Горан Белевски, член на Централниот одбор на СДММ
  
 
 
 
 
  
 
                                                                      

Драг мој народе, кога бевте на денот за гласање пред гласачките кутии си мислевте дека се ќе биде портокалово и ќе има економска преродба и дека тука ќе завршат вашите маки. Сосема легитимно и очекувано. Но што стана, излезе сосема спротивното, се зададе црната чума, власта ги изневери вашите очекувања и ви донесе само беда, пустош и жртви на сиромаштијата. Почнаа да паѓаат и се редат жртвите од владеењето на оваа ненародна власт како што се:

- Починаа 8 родилки во оваа година;

- Беше прегазен граѓанин од човек на обезбедувањето на братучедот на Груевски;

- Почина Мартина Димитрова бидејќи фондот за здравство одби да го плати нејзиното лекување во Германија;

- Загинаа 15 бугарски државјани со потонувањето на бродот во Охрид и ред други такви случаи предизвикани од власта.

Оваа власт е крвожедна, гладна да има повеќе жртви од сите оние кои не се слагаат со неа и кои ги нарекуваа предавници и преку писма се повикувани на јавен линч до истребување. Еве сега му се намерачија на Душко Илиевски - млекарот од Битола и бараат влакно во јајцето за да го осудат и обезличат, а со тоа да го опоменат секој друг граѓанин дека ако се спротивстави на власта ќе го снајде и него истото. Едноставно му наместија и монтираа судски процес.

Но знаете како вели нашиот народ „ако местиш и се фрлаш од кол на кол, колот ќе ти влезе во задникот”. Така ќе биде и со оваа власт, ќе си го наметне сама колот во задникот па и уште ако се поткрши нема кој да и го извади.

Од раката на Грујо излегоа и негови жртви кои до вчера беа со него, Цветанов и Гацов и уште колку ли ќе излезат се до неговото паѓање. Но, драги мои граѓани од оваа власт на Грујо станавме сите заложници и жртви на сиромаштијата, бедата и пустошот. Затоа освестете се, уште колку ли жртви треба да паднат за да си оди чумата која ни ја растури државата?

Не се секирајте и немој да го жалите Грујо и неговата фамилија, тие добро се нафатираа и спремни им се куферите, но немојте да дозволите да бидат уште многу време оти ќе го натоварат и вагонот, па ќе останеме сите со прстот во устата и после ќе викаме - ајде на здравје нека ни е чивијата.

Ќе речете кој ни ставаше жар на мевот што гласавме за оваа власт да не осиромаши, но сеуште не е касно, има шанса да се спротивставиме на ова лудило и чума што ја зафати цела држава и да си ја спасиме истата.

Затоа не дозволувајте да паѓаат уште жртви од оваа власт.
 
 

Бранко Шемов, член на ЦО на СДСМ

Веќе подолго време Битола тоне во сивило кое што оваа власт го наметнува како да им е од корист Битола да  го загуби својот сјај.

Текстот ќе го започнам со краток вовед бидејќи  нажалост некои луѓе веќе подзаборавиле, можеби хипнотизирани од власта, која е вистинската слика за Битола.

Битола конзулски град,град на културата, спортот уметноста, културно економски центар на регионот.  Град во кој од секогаш живееле луѓе со посебен шмек,  космополити со  посебен поглед за сегашноста и визија за иднината. Со Широк сокак по кој од секогаш поминувала европската мода.

Ова не е фалење и не се само празни зборови, вака изгледаше некогаш Битола, но нажалост оваа слика во последните неколку години добива други димензии.

Битола никогаш не била на пониско ниво од денес , шушкаат оние стари Битолчани, а и некои помлади кои власта не успеала да ги хипнотизира.

Ако пред само неколку години Битолскиот народен театар ги собираше сите награди по фестивалите до пред некој месец  истиот тој театар се бореше за опстанок, продуцираше претстави кои беа тотални промашувања без никаков ентузијазам кај актерите и сето тоа само поради лошата политика на оваа власт.

Ако до пред неколку години спортските клубови во Битола водеа Европска битка на терените, денес истите тие клубови водат битка за опстанок во домашните лиги,битолските чкембари препознатливи по својот начин на навивање денес  се само  добро сеќавање за одличните времиња поминати на трибините и единствено што им преостанува е да  се надеваат на подобри времиња.

Ако Битолскиот универзитет секогаш речиси и да беше рамо до рамо со скопскиот, денес е на последното место маргинализиран и заборавен.

Младите битолчани од секогаш биле ентузијасти полни со енергија младешки дух,предводници на своите генерации,денес тие се притиснати од ова бреме на невработеност и сета своја енергија ја насочуваат на погрешен начин притоа не гледајќи подобра варијанта за да променат нешто бидејќи не им се отстапува никаков простор за напредок.

Ако Битола од секогаш била економски центар на регионот денес во Битола едвај да преживуваат неколку фирми во кои нема место за сите битолчани.

А да ќе ја заборавев индустриската зона Жабени е барем на тоа поле сме рамо до рамо со Скопје и едната и другата зона се празни без никакви инвестиции во нив.

И ако продолжам вака да редам не знам дали ќе има крај и можеби ќе се изненадам и самиот себе до кој степен се извртила сликата за Битола. Од град на културата , Битола  за жал се претвори во град во кој владее кичот, град во кој се изгубени моралните и етички вредности, град во кој како да се подзаборави на солидарноста, град во кој како се да се исполитизира и ако не си од владејачката партија како да не постоиш.

Оваа слика знам дека не му се допаѓа на никој, знам дека сите ги измачуваат истите проблеми но некако како да се плашат да го кажат своето мислење.

Денес по којзнае колку време Битолчани покажаа дека почнуваат да се будат, дека хипнозата како да престанала и дека се во што верувале и им прикажувале е лага.

Денес битолчани излегоа масовно на протест и ја покажаа својата солидарност кон едно семејство кое е жртва на политички измонтиран случај.

Денес битолчани се разбудија од еден сон, но дали требаше да се случи ваков нечовечки случај за тој сон да прекине, дали требаше едно типично македонско семејство како семејството Илиевски,  кое чесно се бореше да преживее,  да биде фрлено на колена и да моли за правда,за овај лош битолски сон да заврши.

Сепак Битола заслужува подобро и битолчани знаат да го побараат тоа, ако ова беше почеток  Битола ќе  си го врати вистинскиот сјај и во Битола ќе се живее достоинствено чесно и бес притисоци.

Никола Трајковски
                                                                                                                                

1. Кој дозволи влегување на вооружени, неуниформирани лица без легитимација во просториите на Собранието на Република Македонија?

 

2. Дали претседателот на Собранието бил информиран од страна на министерката Јанкуловска дека припадници на МВР ќе бидат присутни во собраниските простории?

 

3. Ако бил информиран, зошто не свикал координација со потпретседателите на Собранието и координаторите на пратеничките групи?

 

4. Ако не бил информиран, дали ова не е школски пример на упад или пуч на извршната во законодавната власт во Република Македонија извршен по налог на Груевски и Јанкуловска?  

 

„Не можете да ги решите денешните проблеми со сегашниот начин на размислување. Денешните проблеми се токму резултат на сегашниот начин на размислување“

Оваа  Ајнштајнова мисла најверојатно тивко се наметнала и ја разбудила свеста во сите нас. Не отрезнила и ни го разбистрила перцепирањето дека всушност најголемиот наш заеднички проблем е актуелната власт и нејзиниот челник Никола Груевски, а нивната промена на политичката сцена само ќе ја потврди истата.

Протестен митинг 27.06.2010 година. При тргнувањето од родната Битола, заедно со конвој од бројни автобуси, минибуси, автомобили, бев пријатно изненаден од присуството на голем број млади, особено мноштвото непознати ликови чиј ентузијазам дополнително ја покренуваше атмосферата при патувањето до нетрпеливо очекуваната дестинација. Баш сум среќен што токму од мојот град митингот го збогатува толкава младеж – помислив.

Но, кога пристигнавме во нашиот главен град занемев. Замислете, сиот беше обземен од младешкиот дух и младешка енергија. Ги имаше буквално од секое место во нашата држава, а она што посебно радуваше беа нивните насмевнати лица со знаме во раката и гордост во очите. Се препознаваа оние кои за прв пат го доживуваат незаменливото чувство и оние кои се присетуваат на минатите масовни средби од десетици илјади граѓани, со возбуда слушајќи го говорот на лидерот.

Беше јасно! Никола Груевски и ВМРО ДПМНЕ ја загубија довербата од младите. Онаа на која манипулативно и упорно работеа сите овие години.

Младите ја сфатија манипулацијата која сите 4 „преродбенички“ години си поигруваше со нивните чувства и чувствата на нивните родители и нивните најблиски.

Тие увидоа дека постои нешто посуштинско и поважно од цемент и блокови, од бронза и мермер. Постои свет на широки хоризонти и безброј можности, свет кој е толку близу до нас, но со властодршциве далечен и невозможен.

Сфатија дека демократија не е онаа на премиерот, во која секој внимава што прави и зборува, штитејќи ги своите, или работните места на родителите од немилосрдните санкции. Сфатија дека демократија сигурно не е физички напад врз студенти кои кажувајќи ја гласно својата стручност се обидуваат да спречат кардинална грешка и непотребен срам.

Младите осознаа дека патриотизмот, наместо празни зборови наменети за подгревање на нивните чувства, е нешто кое „раѓа“ дела за нивна подобра иднина, иднина во која правдата, демократијата и благосостојбата се основни обележја.

Сфатија дека безбројните отворени факултети, буквално во нивниот двор, единствено се за ќар на партиските новопечени кадри, ја сфатија лажната игра за привидно намалување на невработеноста и последно и, можеби најбезобразно, за спречување на масовното студентско здружување и подигнувањето на социолошкото ниво.

Младите дознаа дека проектот за претприемништво, инициран од агенцијата за вработување, е тенденциозно наменет за „купување“ на нивното презиме и име, бришејќи ги од бесконечниот список на невработени со средства доволни само за лажна надеж.

Забележаа, дека можеби со „подарениот“ закон за увоз на стари возила всушност се прикрива непостоечкиот економски напредок и нискиот стандард, поради кој наместо да се подновиме, мораме да крпариме.

Итн., итн., итн...

Замислете! Нашата власт успешно се користеше со морално и етички недозволиви методи за манипулација и привидна претстава за напредок, но после протестниот митинг во неделата очигледно дека го пренабрегнала времето, ја погрешила нацијата, а богами ја занемарила и младата интелигенција. Ја користам оваа прилика во име на Социјалдемократската младина на Македонија, да им се заблагодарам на сите присутни за дадената поддршка.

МЛАДИТЕ ПРЕПОЗНАА!

Дека наместо потезите кои постојано иницираат антагонизам со останатите етнички заедници, постои еден друг модалитет на соживот и заедништво, во кој сите ние би можеле заеднички да напредуваме и одговорно да ја градиме нашата иднина. Ја препознаа опцијата за победничка Македонија , бидејќи младите се родени да победуваат.

Ја препознаа и секојдневно и се приклучуваат на социјалдемократската младина која доследна на себе покажа храброст и одважност во моментите кога беше најтешко и која потврди дека претставува авангарда која му претходи и му го осветлува патот на младиот свет. Ја промени парадигмата „мочлењето е злато, во, „молчењето е зло“ и јасно и гласно истапи чекор пред другите и го направи нејзиното присуство видливо.

Повторно е гордост да си млад социјалдемократ, да ги споделуваш тие вредности и да се бориш за тие идеали, затоа што денес тоа се единствените фундаменти кои би можеле да го зачуваат нашето општество демократски здраво и одржливо.

Почитувани, веќе е јасно дека столбот на следниот мандат ќе биде довербата од младите, која сите ние треба да ја негуваме и ни случајно да ја изневериме. Нивното присуство на протестниот  митинг покажа дека тие веќе го променија начинот на размислување (Ајнштајновата мисла) и кон своите домови, со исполнето срце се упатуваа говорејќи „ОД ДЕНЕС ВЕЌЕ НИШТО НЕМА ДА БИДЕ ИСТО“.

Александар Кирацовски

- А бре, овој Грујо уште блада, вели дека имало светска криза и дека таа е крива, а не Тој, а кој е крив за нашата сиромаштија и беда?
 

- На неговата Сител 10 минути зборуваше за светска криза и тоа округло па на ќоше, ама никако да признае дека е Тој виновен за нашава државна криза. 
 

- Го трошиш Буџетот, земаш странски кредити со високи камати, правиш споменици и цркви и правиш криза со што го осиромашуваш граѓанинот до даска. 
 

- Нема криза во Македонија, ама има градска плажа и Грујо не дојде на митингот, ама се слика пред плажата без купаќи. 
 

- Скаран е со бројките околу митингот и не знае колку народ дошол, но тој народ што дојде на митингот ќе му го докара умот. 
 

- Неговите телохранители натепаа новинар на ТВ Ера и створија новинарска криза.
 

- Е, сега народе после 27 Јуни нема да се плашите и треба да ги преземете работите во свои раце и да му кажете збогум на властодршците. 
 

- Дури сега Грујо каде ќе бегаш, и 100 на саат да трчаш пак ќе те стигне казната на народот!!!

Бранко Шемов

Повеќе од 50.000 граѓани вчера покажаа каква е вистинската Македонија! И јас бев дел од таа Македонија. Пропуштив добар фудбал  и накиснав, ама во ниту еден момент не се покајав. Вчера ја видов онаа вистинската, осиромашената, опустошената и понижената Македонија на едно место. Онаа Македонија која, како никогаш до сега, храбро и решително одлучи да го крене својот глас против Никола Груевски и неговата издишана популистичка политика.
 
Македонскиот народ вчера го победи стравот. Овој народ вчера одлучи да стави крај на заканите, заплашувањата, поделбите и сиромаштијата. Овој народ покажа дека не може и не сака да продолжи да ги трпи лагите, понижувањата, и потценувањето на здравиот разум.
 
Груевски и неговата пропагандна машинерија платена со наши пари, цели 4 години, со кампањи, реклами и спотови се обидуваа да ни наметнат виртуелна стварност и не успееаа во тоа. Вчера Македонија ја победи лагата. Повеќе од 50 илјади најхрабри и најодлучни решија да се соочат со реалноста. Повеќе од 50 илјади покажаа дека повеќе ништо не може да ги уплаши. Повеќе од 50 илјади граѓани покажаа дека се подготвени да ја отфрлат погубната политика на кавги и поделби.
 
Соочен со порази и неуспеси на сите полиња, Груевски одлучи да ја продава веќе видената и многу пати повторувана приказна за „Патриоти и предавници“. Оваа приказна никогаш и никому не донела ништо добро. Оваа приказна не може да има среќен крај. Тоа беше многу пати до сега потврдено кај нашите соседни држави. Тој концепт неминовно води кон  меѓународна изолација и длабоки  внатрешни конфронтации. Тоа е стратегија која Македонија ја става во улога на жртва, а македонскиот народ води кон самосожалување и пораз. Тоа е Македонија заглавена во историјата, без визија за утрешнината.

Македонија вчера покажа дека наместо само кон минатото, знае да се сврти и кон иднината затоа што тоа е обврска и одговорност на секој граѓанин. Во Македонија не живее каков-таков народ. Македонија не е држава на восочни фигури. Македонија е држава на реални, живи луѓе со реални проблеми и реални потреби.
 
Реалната Македонија со разорена економија, со пропаднати фирми, со осамени и изгладнети граѓани излезе на улица, пред Влада и јасно и гласно му порача на Груевски дека брзо ќе дојде денот кога тој и неговата криминална дружина ќе одговараат пред народот, ама и пред законот.
 
Граѓаните на Македонија вчера покажаа дека паметат и една друга Македонија. Македонија која забрзано одеше на патот кон Европа и НАТО, Македонија која инвестираше во патишта, хидроенергетски потенцијал, болници и училишта, наместо во восочни фигури и споменици. Македонија со визија за повеќе наредни генерации, наместо заглавена во античкото минато.
 
Македонија вчера ја започна големата битка за предвремени парламентарни избори по Самитот на НАТО во ноември. Без разлика на исходот од Самитот, без разлика дали преговорите со Грција ќе завршат успешно или не, граѓаните демократски и легитимно ќе одлучат за каква Македонија и за каква иднина се.

Напред Македонијо, ние сме со тебе!